Home Comment “Affrontéierte Kabes” – De Wee2050 a seng Argumentatioun

“Affrontéierte Kabes” – De Wee2050 a seng Argumentatioun

by Christophe Froehling

Update vum 25.7.2018, 23:36

Ech hu misse feststellen, dass den Originalpost elo leider vun hirer Facebooksäit geläscht gouf. Dat nodeems de Maxime Weber an ech dem Wee2050 an enger Diskussioun vun iwwer 106 Commentairen op eng faktebaséiert Manéier versicht hunn, verschidde Saache kloerzemaachen. Ënnert anerem hu mir versicht, hinnen d'Grondsätz vun Empirie ze erkläeren. Mir hunn un de gesonde Mënscheverstand appelléiert an hunn hinnen hir onmoralesch Methode virun d'Nues gehalen. Ma vu genee dëse Methode gouf da weiderhi Gebrauch gemaach, fir eis ze diskreditéieren. Wann argumentéiert gouf, da meeschtens ouni Kapp a Fouss. Mat enger onmoosseger Arroganz gouf eis ë.a. ëmmer nees virgeworf, mir wiere jo nach ze jonk an ze domm, fir dat Geschwätz ze verstoen. Oder et gouf geziilt ronderëm de Bräi geschwat, fir net op dat anzegoen, wat eigentlech Thema war - well si woussten, dass si sech net méi konnten erausrieden. Wer Kritik übel nimmt, hat etwas zu verbergen. Loosst iech dat eng Kéier duerch de Kapp goen an denkt do drun, wann der de 14. Oktober an der Wahlkabinn stitt.

Ech hunn es sat. Et geet mir einfach duer.

Iwwer Ëmweeër huet mech e Commentaire vum Wee2050 / Nee2015 erreecht, dee Bezuch hëlt op ee vu mengen éischten Artikelen zum Sproochendebat vu virun zwee Joer. Wie mech kennt, dee weess, dass ech gäer op Kritik aginn an e grousse Frënd vum fundéierte Meenungsaustausch sinn. Wann ech Zäit hunn, bedeelegen ech mech aktiv u konstruktiven Diskussiounen. Dowéinst hunn ech mir och dës Kéier Zäit geholl (déi ech net hunn), fir op hir Kritik vu virun zwee Joer anzegoen – an der Hoffnung, dass sech d’Administrateure vum Wee2050 ausnamsweis ëm e konstruktiven Dialog beméien. Denkste! Net op een eenzegt Argument gouf agaangen. Dat wier net d’Realitéit, gëtt mer just un de Kapp gehäit. Vu Konstruktivitéit keng Spuer.

Ech hunn es wierklech genuch. Wou fänkt een un, wa sech de Vis-a-vis net mol d’Méi mécht, fir op dat anzegoen, wat een ëm offréiert? Wéi kann een e fundéierten Dialog féieren, wann ee vun de Gespréichspartner sech einfach virun de Grondlage vun der Realitéit verschléisst?

Ech brauch e bësse frësch Loft. An eppes géint de Kappwéi…

De Bäitrag op hirer Facebooksäit fannt dir hei: https://www.facebook.com/nee2015.lu/posts/194913407848041

You may also like

1 comment

Kleines Handbuch für die Revolte gegen Wee2050/ADR | Maxime Weber 12th August 2018 - 11:35

[…]So sehr es einem auch manchmal in den Fingern juckt, gegen die Monstrositäten anzuschreiben, die Tom Weidig, Daniel Rinck, Fred Keup & Co. so von sich geben: Diskussionen auf der Wee2050-Facebookseite und den Privatprofilen seiner Mitglieder sind nutzlos und kontraproduktiv. Das liegt nicht nur daran, dass die Bewegung konsequent die grundlegenden Regeln des öffentlichen Diskurses missachtet, indem sie unter anderem konsequent die grundlegenden Regeln des öffentlichen Diskurses missachtet, indem sie unter anderem Kritiker*innen auf unvergleichlich herablassende Art und Weise aufgrund ihres Alters verunglimpft, unter Androhung von Klagen Gegner*innen einzuschüchtern versucht oder allgemein anerkannte Definitionen (wie beispielsweise darüber, was unter “Wachstum” oder “empirischen Studien” zu verstehen ist) um der eigenen Ideologie willen ignoriert.[…]

Reply

Leave a Comment

This site uses Akismet to reduce spam. Learn how your comment data is processed.